Jurassic Park | |
---|---|
Títol | Jurassic Park |
![]() Póster d'a cinta. | |
Ficha tecnica | |
Dirección | Steven Spielberg |
Producción | Kathleen Kennedy Gerald R. Molen |
Guión | Michael Crichton David Koepp |
Musica | John Williams |
Fotografía | Dean Cundey |
Montache | Michael Kahn |
Actors | Sam Neill Laura Dern Jeff Goldblum Richard Attenborough Bob Peck Martin Ferrero BD Wong Samuel L. Jackson Wayne Knight Joseph Mazzello Ariana Richards |
Datos y cifras | |
País(es) | Estaus Unius |
Anyo | 1993 |
Debantadera | 9 de chunio de 1993 ![]() |
11 de chunio de 1993 ![]() | |
Chenero(s) | Cine de ciencia-ficción |
Durada | 128 min. |
Idioma(s) | Anglés |
Companyías | |
Productora(s) | Amblin Entertainment |
Distribución | Universal Pictures |
Presupuesto | 63 millons de dólars |
Succesión de cintas | |
Succedida por | The Lost World: Jurassic Park (1997, Steven Spielberg) |
Informacions en bases de datos especializadas: | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Jurassic Park (títol orichinal en anglés, en aragonés Parque Churasico, enguerada en Aragón con o suyo títol traduciu enta lo castellano como Parque Jurásico) ye una cinta de cine estausunidense de cine de ciencia-ficción de l'anyo 1993, dirichida por Steven Spielberg y producida por Kathleen Kennedy y Gerald R. Molen ta la productora cinematografica Amblin Entertainment, con guión de Michael Crichton y David Koepp, protagonizada por Sam Neill, Laura Dern, Jeff Goldblum, Richard Attenborough, Bob Peck, Martin Ferrero, BD Wong, Samuel L. Jackson, Wayne Knight, Joseph Mazzello y Ariana Richards.[2]
Ye la primera entrega d'a franquicia de Jurassic Park y a primera cinta d'a trilochía de Jurassic Park, y ye basada en a novela de 1990 d'o mesmo nombre de Michael Crichton y un en guión escrito por Crichton y David Koepp. A cinta ye ambientada en la isla ficticia d'isla Nublar, ubicada frent a la costa d'o Pacifico d'America Central, amán de Costa Rica. Astí, o rico empresario John Hammond y un equipo de cientificos cheneticos han creyau un parque de vida silvestre de dinosauros extinctos. Cuan o sabotache industrial conduz a una tancadura catastrofica d'as instalacions electricas d'o parque y a las midas de seguranza, un chiquet grupo de vesitants y os nietos de Hammond luitan por sobrevivir y fuyir d'a periglosa isla.
Antis que se publicase a novela de Crichton, cuatro estudios presentoron ofiertas por os suyos dreitos cinematograficos. Con o refirmo d'Universal Studios, Spielberg adquirió os dreitos por 1,5 millons de dólars antis d'a suya publicación en 1990; Crichton estió achustau por 500.000 dólars adicionals pa adaptar a novela a la pantalla. Koepp escribió o borrador zaguer, que omitió gran parti d'a exposición y a violencia d'a novela y fació numbrosos cambeos en os personaches.
O rodache s'escaició en California y Hawaii entre agosto y noviembre de 1992, y a postproducción s'alongó dica mayo de 1993, supervisada por Spielberg en Polonia mientres que filmaba Schindler's List. Os dinosauros estioron creyaus con innovadoras imáchens cheneradas por ordinador por Industrial Light & Magic (ILM) y con dinosauros animatronicos de grandaria natural construyius por l'equipo de Stan Winston. Pa amostrar o disenyo de soniu d'a cinta, que incluyiba una mestura de diversos rudios d'animals pa os ruchius de dinosauros, Spielberg invirtió en a creyación de DTS, una interpresa especializada en formatos de soniu envolvent dichital. A cinta tamién se sozmetió a una extensa campanya de mercatotecnia de 65 millons de dólars, que incluyó alcuerdos de licencia con mas de 100 interpresas.
Jurassic Park s'engueró o 9 de chunio de 1993 en l'Uptown Theatre de Washington, D.C., y s'engueró l'11 de chunio en Estaus Unius. Pasó a replegar mas de 912 millons de dólars en tot o mundo en a suya carrera teatral orichinal, convertindo-se en a cinta mas taquillera de 1993 y a cinta mas taquillera d'a historia, un récord manteniu dica l'enguero de Titanic en 1997. Recibió criticas muit positivas d'os criticos, que emponderoron os suyos efectos especials, actuación, a partitura musical de John Williams y la dirección de Spielberg. Dimpués d'o suyo reenguero en 3D en 2013 pa celebrar o suyo vinteno cabo d'anyo, Jurassic Park se convirtió en a diecinosetena cinta d'a historia en superar os mil millons de dolars en vendas de dentradas. A cinta ganó mas de vinte premios, incluyius tres premios Oscar de l'Academia por os suyos logros tecnicos en efectos visuals y disenyo de soniu. Jurassic Park se considera una fita en o desembolique d'imáchens cheneradas por ordinador y efectos visuals animatronicos. A cinta estió seguida por cinco secuelas d'exito comercial: The Lost World: Jurassic Park (1997), Jurassic Park III (2001), Jurassic World (2015), Jurassic World: Fallen Kingdom (2018) y Jurassic World: Dominion (2022).
En 2018, a cinta estió seleccionada pa la suya conservación en o National Film Registry por a Biblioteca d'o Congreso por estar "culturalment, historica u estetica significativa".